Mae’r Indefinite Articles arobryn yn cyflwyno eu gwaith i’r rhai ifanc iawn: Amser clai, drama gyda chlai, lle mae’r gynulleidfa’n cael gwahoddiad i gymryd rhan.

Dewch i lecyn lle mae deunydd naturiol y ddaear yn cwrdd â dychymyg plant: byd o ffurfiau ffantastig, anifeiliaid anhygoel a bwystfilod bendigedig.

Mae pob Amser Clai yn gwbl unigryw - gan greu ei fyd ei hun, ei gymeriadau ei hun a'i straeon ei hun wedi'u cyfrannu’n uniongyrchol gan y gynulleidfa ifanc. Theatr ryngweithiol ar ei mwyaf difyr.

Mae’r sioe yma’n cael ei gwneud gyda ac ar gyfer plant 3 i 6 oed.