Fel Goruchwylydd Cadw Tŷ byddwch yn gweithio gyda thîm ac yn ei arwain i gwblhau amrywiaeth o dasgau a dyletswyddau glanhau rheolaidd ac untro yn unol â chyfarwyddyd y Cydlynydd Cyfleusterau.

Math o Gontract: Parhaol

Oriau: 2 x 20 awr yr wythnos

Y Rôl

Cyfrifoldebau allweddol

Goruchwyliaeth

• Hyfforddi cynorthwywyr cadw tŷ ar gyfer cwblhau tasgau glanhau a chynnal a chadw
• Goruchwylio ac arwain cynorthwywyr cadw tŷ ar shifft
• Gwirio glendid ystafelloedd ac ardaloedd cyffredin, gan gynnwys y grisiau
• Cysylltu â'r Cydlynydd Profiad pan roddir gwybod am absenoldebau, i gefnogi ailamserlennu
• Sefydlu ac addysgu cynorthwywyr cadw tŷ am lanweithdra, taclusrwydd a safonau hylendid
• Cymell y cynorthwywyr cadw tŷ a datrys unrhyw broblemau sy'n codi yn y swydd
• Ymateb i adborth gan westeion a cheisiadau arbennig

Cyffredinol:

• Arwain y Cynorthwywyr Cadw Tŷ wrth gwblhau dyletswyddau Cadw Tŷ a hefyd arwain drwy esiampl drwy gwblhau'r dyletswyddau eich hun
• Gwagio biniau gwastraff ac ailgylchu neu gynwysyddion tebyg, gan gludo deunydd gwastraff i fannau casglu penodol
• Ysgubo lloriau gyda brwshys neu fopiau rheoli llwch
• Mopio lloriau gyda mopiau gwlyb neu laith
• Hwfro a glanhau carpedi a rygiau
• Defnyddio peiriannau sgwrio / sgleinio electronig i sgwrio, sgleinio, chwistrellu a glanhau lloriau
• Tynnu llwch, sychu, golchi neu sgleinio dodrefn, silffoedd, siliau ffenestri ac arwynebau allanol cypyrddau, rheiddiaduron, silffoedd a ffitiadau
• Ailgyflenwi eitemau traul (sebon, papur toiled, tywelion papur) os oes angen
• Glanhau toiledau, iwrinals, basnau dwylo a sinciau
• Defnyddio sylweddau cemegol yn ôl yr angen wrth lanhau neu mewn gweithdrefnau cynnal a chadw, gan ddilyn y canllawiau ar gyfer eu defnyddio

Gweinyddu:

• Cadw llygad ar lefelau stoc y cynhyrchion glanhau ac archebu yn unol â hynny a sicrhau eu bod yn cael eu storio’n ddiogel.
• Cwblhau tasgau gweinyddol arferol sy’n ofynnol e.e. gwirio tasgau glanhau ar daflenni manyleb glanhau dyddiol a gwirio bod y Cynorthwywyr Cadw Tŷ wedi eu cwblhau.

Y Person

• Profiad o arwain tîm
• Gwybodaeth am ddyletswyddau cadw tŷ cyffredinol
• Y gallu i ddefnyddio cyfrifiadur ac archebu stoc gan gyflenwyr allanol
• Y gallu i ddilyn cyfarwyddiadau a chwblhau tasgau wedi’u dirprwyo yn gywir ac yn effeithiol ac o fewn terfynau amser penodol.
• Parodrwydd i weithio oriau hyblyg, gan gynnwys gyda'r nosau, penwythnosau a gwyliau
• Prydlon a dibynadwy
• Y gallu i weithio ar eich pen eich hun ac fel aelod o dîm i gyrraedd safonau penodol
• Bod yn hyblyg i ofynion y swydd fel maen nhw’n newid
• Ymfalchio mewn gwneud y swydd yn dda.