Mae Theatr Clwyd yn chwilio am un ymgeisydd i gymryd rhan yn y cynllun Prentis Creadigol sy’n cael ei weithredu ledled Cymru gan Ganolfan Mileniwm Cymru. Byddant yn hyfforddi ac yn datblygu sgiliau mewn cynhyrchu theatr dechnegol, fel sain, goleuo a rheoli llwyfan technegol. Bydd yr ymgeiswyr llwyddiannus yn gweithio yn Theatr Clwyd ond yn cael eu cyflogi gan Ganolfan Mileniwm Cymru. Bydd y cyfweliadau’n cael eu cynnal yn Theatr Clwyd.

Y Cynllun Prentis Creadigol

Nod y cynllun hwn yw rhoi cyfle i ymgeiswyr ddatblygu eu sgiliau presennol mewn byd real a’u paratoi ar gyfer cyflogaeth lawn amser yn niwydiant y theatr. Fe’i gweithredir ar y cyd â Choleg Caerdydd a’r Fro, y coleg a fydd yn darparu ochr gymhwyster y brentisiaeth, sef Tystysgrif Lefel 3 mewn Theatr Dechnegol: Sain, Goleuo a Llwyfan.

Mae’r cynllun yn weithredol ledled Cymru gyda tharged o 10 prentis. Bydd gan bob prentis leoliad penodol lle bydd yn treulio’r rhan fwyaf o’i amser. Bydd wythnos gyflwyno yng Nghaerdydd ac wythnosau eraill hefyd o bosib yng Nghaerdydd, ar gyfer hyfforddiant safonol ‘allan o’r swydd’ gan Gymdeithas Technegwyr Theatr Prydain (a darparwyr eraill). Gellir darparu llety yng Nghaerdydd. Hefyd efallai y bydd cyfle i brentisiaid gyfnewid lleoliadau o dro i dro, i ehangu eu profiad.

I gael rhagor o wybodaeth am y cynllun prentisiaeth ewch i Careers and jobs | Wales Millennium Centre (wmc.org.uk)

Theatr Clwyd

Theatr Clwyd yw prif ganolfan gelfyddydau Gogledd Ddwyrain Cymru ac mae’n cyflwyno amrywiaeth enfawr o weithgarwch ar draws sawl ffurf ar gelfyddyd. Yn rhan greiddiol ohoni mae cwmni cynhyrchu dramâu sydd wedi llwyfannu cynyrchiadau o safon byd dros y blynyddoedd, gyda ffocws ar Gymru ac artistiaid o Gymru. Mae gan Theatr Clwyd gysylltiadau cymunedol clos ac mae’n gweithredu rhaglen Allgymorth a Theatr Pobl Ifanc ac yn datblygu’r agwedd hon ar ei gwaith ymhellach.

Canolfan Mileniwm Cymru

Yn ystod yr 15 mlynedd ers ei sefydlu, mae Canolfan Mileniwm Cymru – y ganolfan gelfyddydau genedlaethol ar gyfer Cymru – wedi datblygu enw rhagorol am gyflwyno rhagoriaeth artistig ac adloniant anhygoel, gan ddangos y gorau o Gymru i’r byd a dod â’r gorau o’r byd i Gymru.

Disgrifiad Swydd

Oriau: 35 awr yr wythnos
Cyflog: £11,648 per annum
Tîm: Cynhyrchu
Dyddiad cychwyn: 30 Medi 2024
Dyddiad Cau: 10fed Gorffennaf 2024

Ynglŷn â’r Rôl a’r Cyfrifoldebau:
Mae technegwyr theatr cefn llwyfan yn chwarae rhan hanfodol wrth gyflwyno perfformiadau byw, gan sicrhau bod pob cynhyrchiad yn cael ei gynhyrchu i'r safon uchaf posibl. Prif ddiben y rôl hon yw datblygu sgiliau arbenigol a throsglwyddadwy unigolion sy’n cychwyn eu gyrfaoedd technegol - mewn meysydd sy'n benodol i grefft y llwyfan, goleuo a sain ar gyfer adloniant byw.

O ddydd i ddydd byddwch yn adrodd i'r Rheolwr Llwyfan Technegol neu'r Prif Drydanwr, a fydd yn eich integreiddio i'r adran dechnegol ehangach gan eich gosod ar nifer o brosiectau er mwyn i chi canfod ac ymarfer eich arbenigedd. Byddwch hefyd yn adrodd i'r Cydlynydd Prentisiaid a Hyfforddiant, sy'n goruchwylio'r rhaglen prentisiaid i sicrhau bod unigolion yn cyrraedd eu targedau ymarferol ac asesu - a grëwyd gyda'u tiwtor o Goleg Caerdydd a'r Fro. Mae'r cydlynydd hefyd yn gyfrifol am eich amserlen hyfforddi broffesiynol a fydd yn cynnwys teithiau i ffwrdd o'r Ganolfan.

Dros y 12 mis, byddwch yn cwblhau Gwobr Efydd Cymdeithas Technegwyr Theatr Prydain (ABTT) ynghyd â chymhwyster Profion PAT ac IPAF a byddwch yn ymgymryd â gweithdy rigio, goleuo a sain broffesiynol.

Mae ein prentisiaid presennol wedi cwblhau lleoliadau yn ddiweddar gyda chynyrchiadau teithiol fel Disney's Aladdin, Matthew Bourne's Edward Scissorhands a The Wizard of Oz ymhlith eraill.

Chyfrifoldebau allweddol

O dan gyfarwyddyd uwch dechnegwyr:

• Darparu cymorth technegol i gynyrchiadau (teithiol a mewnol), a phrosiectau/ digwyddiadau eraill y mae CMC yn eu cynnal.
• Cefnogi'r adran gyda symud offer i’r llwyfan – codi, rigio, ffocysu ac ati gan ddefnyddio offer a chyfarpar ar gyfer adeiladu neu gynnal a chadw.
• Darparu cefnogaeth i’r criw ar brosiectau yn ôl yr angen mewn meysydd megis crefft y llwyfan, goleuo, sain a hedfan. Bydd hyn yn cynnwys -
• Cynllunio gofynion goleuo ar gyfer cynhyrchiad, gosod a gwirio, gweithredu'r system oleuo a goleuadau dilyn ar gyfer perfformiad byw.
• Cynllunio gofynion sain ar gyfer cynhyrchiad, gosod a gwirio, gweithredu'r sain a meicroffonau ar gyfer perfformiad byw.
• Cynllunio gofynion hedfan/llwyfan ar gyfer cynhyrchiad, gosod a gwirio, cynorthwyo gyda systemau hedfan/awtomatiaeth lle bo'n briodol.
• Cynnal safonau uchel o ran cadw tŷ. Cadw ardaloedd gwaith yn glir ac yn addas i'w defnyddio.
• Dewis a defnyddio systemau gweithio diogel ar gyfer gweithio ar uchder.
• Cwblhau modiwlau asesu ymarferol a theori o fewn y terfynau amser y cytunwyd arnynt.

Manyleb y Person

Hanfodol

• Dealltwriaeth o Theatr Dechnegol a diddordeb profedig mewn gweithio cefn llwyfan.
• Prawf o weithio i derfynau amser - yn ymarferol ac yn ddamcaniaethol.
• Ymwybyddiaeth a dealltwriaeth gref o Iechyd a Diogelwch – naill ai’n gyffredinol neu’n benodol i’r theatr.
• Gallu a pharodrwydd i ymgymryd â dysgu academaidd a gweithredu portffolios ar-lein wrth gasglu a lanlwytho tystiolaeth ar gyfer asesiadau.
• Agwedd gadarnhaol ac adeiladol wrth ymgysylltu â chydweithwyr a chleientiaid, gan ddangos arweiniad a hyblygrwydd yn eich ymagwedd at dasgau.
• Cymryd yr awenau ac arddangos ystum wrth ymdrin â heriau yn y gwaith neu'r coleg.
• Bod yn atebol wrth reoli eich wythnos waith i gwblhau modiwlau er mwyn ennill eich cymhwyster.
• Dangos sgiliau rhyngbersonol da ynghyd â’r gallu i weithio mewn tîm o fewn sefydliad mawr gydag unigolion o wahanol gefndiroedd, safbwyntiau a hunaniaeth.
• Y gallu i weithio oriau anghymdeithasol, gan gynnwys dros nos, penwythnosau a Gwyliau Banc.
• Cadw at bolisïau Iechyd a Diogelwch sy'n gysylltiedig â gweithio tu ôl i'r llwyfan, gan gynnwys gweithio ar uchder, codi a chario a gweithio gyda thrydan, yn ogystal â gwisgo offer gwarchod personol priodol lle bo angen.

Dymunol

• Profiad blaenorol o weithio ym myd theatr dechnegol (boed yn wirfoddol neu ar gynyrchiadau ysgol/coleg)
• Gwybodaeth am ardaloedd cefn llwyfan a'r offer a ddefnyddir.
• Y gallu i ddefnyddio cyfrifiadur, gyda phrawf o ddefnyddio pecynnau Microsoft Office a phortffolios ar-lein.
• Y gallu i gyfathrebu drwy gyfrwng y Gymraeg.
• Gallu/parodrwydd i weithio ar uchder yn ddiogel.

Y Broses Recriwtio

Eich cais a’r llythyr yn cyd-fynd yw ein cyswllt cyntaf â chi. Maent yn cael eu barnu ar sail eu rhinweddau yn unig ac yn gyfrwng i ni lunio rhestr fer o ymgeiswyr ar gyfer cyfweliad. Gwnewch yn siŵr bod pob cwestiwn yn cael ei ateb yn glir a chryno ond mor llawn â phosib.

Rydym yn cynghori’n gryf eich bod yn darllen Proffil y Rôl yn ofalus cyn llenwi eich ffurflen gais. Mae’r ddogfen hon yn cynnwys rhestr fanwl o ddyletswyddau’r rôl.

Llenwch y ffurflen gais yn drwyadl. Nid yw ffurflenni nad ydynt yn cael eu llenwi’n drwyadl yn dderbyniol ac ni fyddwch yn cael eich ystyried yn y broses llunio rhestr fer.

Peidwich ag anfon CV ar ei phen ei hun yn lle’r ffurflen gais. Fel rhan o’n proses recriwtio, rhaid llenwi ffurflen gais. Wrth gwrs, mae croeso i chi gynnwys CV gyda’ch ffurflen gais, ac unrhyw ddogfennau eraill neu wybodaeth arall sy’n berthnasol yn eich barn chi.

Bydd angen i ymgeiswyr fod ar gael ar gyfer Wythnos Sefydlu yn yr wythnos yn cychwyn yr 30ain o Medi.

Mae oriau gwaith prentis yn amrywio ychydig o wythnos i wythnos gan ddibynnu ar ofynion y cynhyrchiad y maent yn gweithio arno. Mae'n rhaid i ni bwysleisio nad rôl 9-5 yw hon, felly rydym yn annog ymgeiswyr i feddwl yn galed a yw'r math hwn o waith yn addas ar eu cyfer mewn achos o wrthdaro. Rydym hefyd yn eich annog i feddwl am eich trefniadau teithio ac a yw'n ymarferol/ddichonadwy ar eich cyfer ar yr adeg hon. Bydd eich gwerthusiad yn seiliedig ar feini prawf gymharol gyfnewidiol. Fodd bynnag, rydym yn disgwyl i chi ddarparu tystiolaeth o'ch dealltwriaeth o theatr dechnegol cefn llwyfan a pha feysydd penodol sydd o ddiddordeb i chi a pham. Bydd angen i chi ddangos eich bod yn gallu dysgu neu ddangos sgiliau rhyngbersonol a chyfathrebu da, gan y byddwch yn gweithio mewn sefydliad mawr gyda phobl o wahanol gefndiroedd, safbwyntiau a hunaniaeth. Yn olaf, bydd disgwyl i chi ddangos tystiolaeth o agwedd dda a pharodrwydd tuag at weithio’n broffesiynol, dysgu sgiliau newydd, a sicrhau cynnydd yn eich gwaith cwrs.

Cyrraedd y gwaith

Fel unrhyw rôl, mae angen i chi feddwl am gyrraedd y gwaith ac yn ôl.

Mae Theatr Clwyd wedi ei lleoli yn nhref Yr Wyddgrug yng Ngogledd Cymru tua 11 milltir o orsaf drenau Caer. Mae bysiau rheolaidd yn teithio i ac o'r trefi a'r pentrefi cyfagos ond efallai na fydd y drafnidiaeth gyhoeddus mor aml ag y mae mewn dinasoedd mawr, felly cofiwch hyn.

Bod yn drefnus

Yn ogystal â'ch rôl, bydd angen i chi hefyd gwblhau rhai asesiadau ymarferol sy'n hanfodol i'r brentisiaeth. Ni allwch gwblhau'r brentisiaeth a chael ardystiad hebddynt.

Rydym yn disgwyl i chi fod yn gwbl ymrwymedig i bob agwedd ar y rhaglen, bod yn barod ar bob tasg a rheoli eich terfynau amser.

Mae methu yn rhan o'r holl broses ddysgu ond sut rydych chi'n ymateb yw'r hyn sy'n bwysig, ond byddwch yn dawel eich meddwl - bydd gennych rwydwaith cymorth cryf y tu ôl i chi.

Pwy all wneud cais?

Gall unrhyw un sy'n 18 oed neu'n hŷn wneud cais. Y cyfan a ofynnwn yw bod gennych agwedd dda, eich bod yn byw o fewn pellter rhesymol i leoliadau sy'n cymryd rhan ac yn barod i ddechrau gyrfa gyffrous mewn theatr dechnegol!

Nid oes unrhyw gymwysterau gofynnol, ond rydym yn annog y rheini sydd heb addysg ffurfiol yn gryf i wneud cais.

*Nid yw'r rhaglen hon yn addas ar gyfer unrhyw un sy'n dal i astudio felly os ydych rhan o’r ffordd drwy gwrs a byddai angen i chi ddychwelyd i astudio ar ôl y brentisiaeth, nid ydych yn gymwys.

Ni ellir ymgymryd â'r lleoliad hwn fel lleoliad gwaith fel rhan o'ch cwrs.

Ydych chi'n rhannu ein gwerthoedd?
Mae ein gwerthoedd yn rhan o bwy ydyn ni, beth rydyn ni'n sefyll drosto a sut rydyn ni'n gweithredu. Ydych chi'n rhannu'r gwerthoedd hyn?

• Myfyriol - Rydyn ni’n cydnabod y ffaith bod pethau gwych yn cael eu cyflawni bob dydd, rydyn ni’n dathlu hynny ac yn credu bod dysgu o’n profiadau yn gryfder.
• Atebol - Mewn diwylliant sy’n ein galluogi ni i gyflawni ein potensial, mae’n rhaid i ni fod yn gyfrifol am ein gweithredoedd ni ein hunain ac am weithredoedd y Ganolfan.
• Cydweithredol - Un tîm sy’n gweithio gyda’n gilydd ydyn ni, yn parchu sgiliau a phrofiadau ein gilydd er mwyn sicrhau’r canlyniadau gorau.
• Uchelgeisiol - Rydyn ni’n cefnogi angerdd ac yn annog penderfyniadau dewr er mwyn gyrru ein dymuniad i wella drwy’r amser.
• Arloesol - Rydyn ni’n chwilio am atebion dychmygus ymhob un o’n meysydd gwaith er mwyn ein galluogi i gyflawni ein hamcanion.