Rydym yn chwilio am Reolwr Gwisgoedd a Wigiau profiadol i arwain ein tîm Gwisgoedd a gweithio gyda dylunwyr i wireddu eu dyluniadau gwisgoedd ar y llwyfan. Mae hon yn rôl annatod o fewn y teulu Creu Theatr ac yn gyfrifol am ddarparu, cyflwyno a chynnal a chadw gwisgoedd, esgidiau, ategolion, a wigiau, gwallt a cholur. Bydd y Rheolwr yn ymwneud â holl gynyrchiadau, prosiectau, digwyddiadau, cynhyrchu a theithio Theatr Clwyd.

Math o Gontract: Parhaol

Oriau: 37 yr wythnos

Y Rôl

Mae’r Rheolwr Gwisgoedd a Wigiau yn gyfrifol am reoli swyddogaeth a thîm creu gwisgoedd Theatr Clwyd. Bydd yn defnyddio lefelau sylweddol o wybodaeth a phrofiad arbenigol i gefnogi’r Pennaeth Cynhyrchu i ddarparu’r gwasanaeth gorau posibl i gynyrchiadau Theatr Clwyd.

Cyfrifoldebau Allweddol

• Arwain ac uno'r tîm Gwisgoedd a bod yn gyfrifol am yr holl weinyddiaeth adrannol gan sicrhau bod y personél yn gweithio'n gydlynol yn y theatr.
• Mae’r Rheolwr Gwisgoedd a Wigiau’n gyfrifol am ddarparu, cyflwyno a chynnal a chadw’r gwisgoedd ar gyfer holl gynyrchiadau, prosiectau, digwyddiadau, cynhyrchu a theithio Theatr Clwyd.
• Cymell ac arwain y tîm Gwisgoedd drwy esiampl, drwy gynnal y safon uchaf o ran cyflwyniad, gan arddangos agwedd gadarnhaol, delio'n brydlon ac yn broffesiynol ag unrhyw geisiadau a darparu gwasanaeth cwsmer rhagorol i bob artist, cwmni ac aelod o'r cyhoedd sy'n ymweld yn ôl yr angen.
• Rheoli gweithrediad effeithlon o ddydd i ddydd holl Adran Gwisgoedd Theatr Clwyd a WHAM, gan gynllunio defnydd effeithiol o staff mewnol ac achlysurol i gefnogi gweithgareddau’r theatr.

Y Person

• Gradd neu gymhwyster cyfatebol, neu hyfforddiant / profiad sylweddol, mewn maes perthnasol fel Creu Gwisgoedd, Cynllunio Gwisgoedd, Ffasiwn.
• Profiad clir o weithio mewn adran Gwisgoedd / Wardrob gyda phrofiad cadarn, clir o oruchwylio / rheoli tîm.
• Profiad sylweddol fel Goruchwylydd Gwisgoedd.
• Gwybodaeth fanwl am ffabrigau, torri patrymau a dulliau modern a thraddodiadol o greu gwisgoedd.
• Y gallu i ddehongli a gwireddu cynlluniau gwisgoedd.
• Profiad clir o reoli cynhyrchu a rhedeg timau gwisgoedd.
• Profiad clir o reolaeth ariannol.
• Sgiliau rheoli prosiect ardderchog, gyda'r gallu i reoli tasgau lluosog a gweithio dan bwysau.
• Sgiliau cyfathrebu rhagorol.
• Sgiliau TG da gan gynnwys bod yn gyfarwydd â Microsoft Office.
• Y gallu i weithio oriau hyblyg ac anghymdeithasol gan gynnwys gyda'r nos ac ar benwythnosau.
• Ymrwymiad i ragoriaeth artistig.