Cefnogi'r Uwch Reolwr Profiad i sicrhau bod Theatr Clwyd a Neuadd William Aston yn rhedeg yn esmwyth. Bydd y Rheolwr Profiad Ymwelwyr yn sicrhau bod y theatr yn cael ei gweithredu’n effeithlon, yn cyfrannu at ddatblygu a chyflawni amcanion busnes allweddol, gan atgyfnerthu Theatr Clwyd a Neuadd William Aston fel cyrchfannau lle mae Gwesteion yn derbyn gwasanaeth o’r radd flaenaf.

Math o Gontract: Parhaol

Oriau: 37 yr wythnos

Y Rôl

Cyfrifoldebau Allweddol

• Rheoli'r gwasanaeth gweithredol rheng flaen yn Theatr Clwyd a Neuadd William Aston, gan sicrhau safonau rheoli perfformiad trwyadl a thrwy hynny sicrhau'r elw masnachol mwyaf yn unol â thargedau'r cynllun busnes.
• Goruchwylio'r broses o recriwtio a datblygu'r Tîm Profiad rheng flaen i sicrhau bod gan holl Aelodau'r Cwmni agwedd hyblyg a chyfeillgar a'u bod yn teimlo'n rhan o'r sefydliad.
• Annog cymryd risgiau, gwaith caled a meddwl yn greadigol a hyrwyddo diwylliant cadarnhaol a chefnogol sy'n canolbwyntio ar les.
• Cynnal sesiwn briffio dyddiol o'r gweithgareddau sy'n digwydd yn yr adeilad i dimau'r bore a'r prynhawn.
• Gweithredu fel Dirprwy Reolwr Profiad ar rai shifftiau dydd a nos. Yn ystod shifftiau pryd mae perfformiad, cysylltu â staff cynhyrchu i reoli perfformiadau’r lleoliad. Bod yn gyfrifol am les a diogelwch y gynulleidfa, goruchwylio cyfrif yr arian, rheoli’r tîm Profiad a chloi’r adeilad.
• Gweithio gyda'r Uwch Reolwr Profiad ar bob cydymffurfiaeth â'r Ddeddf Gwahaniaethu ar sail Anabledd gan sicrhau ein bod yn lleoliad hygyrch.
• Sicrhau bod ymwelwyr ag anghenion ychwanegol neu ofynion mynediad yn cael eu croesawu i'n hadeilad hygyrch.
• Gyda'r Uwch Reolwr Profiad, gweithredu cynigion diodydd a byrbrydau newydd arloesol sy'n cynnwys gwasanaeth bar yn Neuadd William Aston.
• Gweithio gyda'r Rheolwr Digwyddiadau i sicrhau bod digwyddiadau’n rhedeg yn esmwyth.
• Arwain ar ddatblygu a chyfathrebu hunaniaeth unigryw ar gyfer gwirfoddoli yn Theatr Clwyd a Neuadd William Aston.

Y Person

• Sgiliau arwain tîm hyderus a llawn cymhelliant, gyda phrofiad o reoli pobl a materion o ddydd i ddydd cysylltiedig.
• Profiad o reoli tîm mawr.
• Profiad o reoli cyllidebau refeniw a gwariant.
• Profiad clir o ddarparu gwasanaeth cwsmeriaid o ansawdd uchel.
• Y gallu i greu amgylchedd croesawgar ar gyfer ystod amrywiol o ddefnyddwyr adeiladau.
• Gwybodaeth am ddeddfwriaeth Iechyd a Diogelwch.
• Gwybodaeth am ddeddfwriaeth diodydd ac arfer gorau.
• Sgiliau rhifedd cadarn.