Mae cyfle cyffrous wedi codi i ymuno â Thîm Datblygu llawn cymhelliant prif theatr gynhyrchu Cymru, Theatr Clwyd, yn dilyn ei phrosiect ailddatblygu cyfalaf mawr. Gan weithio’n agos gyda Chyfarwyddwr yr Ymgyrch Gyfalaf a'r Pennaeth Datblygu, bydd y Rheolwr Ymddiriedolaethau a Sefydliadau yn sicrhau'r incwm gorau posib gan ymddiriedolaethau, sefydliadau a ffynonellau statudol i gefnogi blaenoriaethau strategol y cwmni.

Pwrpas y Rôl:

Gan adrodd i'r Pennaeth Datblygu, mae'r Rheolwr Ymddiriedolaethau a Sefydliadau yn gyfrifol am ddatblygu a chyflwyno strategaeth i gefnogi twf incwm o ymddiriedolaethau a sefydliadau i gefnogi anghenion refeniw a phrosiectau arbennig y sefydliad. Mae’r tîm datblygu yn Theatr Clwyd yn gyfrifol am yr holl roddion dyngarol i’r sefydliad, gan gynnwys y Gwasanaeth Cerddoriaeth a Neuadd William Aston. Mae ganddynt darged refeniw blynyddol o £480,0000, yn dechrau ym mlwyddyn ariannol 25/26. Bydd hyn yn cynnwys incwm cymysg gan ymddiriedolaethau a sefydliadau, unigolion a chorfforaethau. Mae’r tîm yn cynnwys Pennaeth Datblygu, Rheolwr Ymddiriedolaethau a Sefydliadau, Cynorthwy-ydd Datblygu, a chaiff ei gefnogi gan Gyfarwyddwr Datblygu gyda rhywfaint o gyfrifoldeb am godi arian Ymddiriedolaethau a Sefydliadau mawr (refeniw a phrosiectau arbennig, sydd y tu allan i flaenoriaethau codi arian craidd yr adran).

Amdanom ni

Mae Theatr Clwyd yn hwb diwylliannol sy'n cynhyrchu theatr o safon byd ym mryniau Gogledd Cymru. Ers 1976 rydym wedi bod yn gwasanaethu ein cymunedau ac yn darparu profiadau theatr a chelfyddydol o'r safon uchaf i bobl Gogledd Cymru a thu hwnt.

Mae ein cenhadaeth yn gynyddol bwysig i ni ym mhopeth a wnawn.

Gwneud y byd yn lle hapusach, un ennyd ar y tro.

Rydym yn ddigon ffodus i fod yn un o’r ychydig iawn o theatrau yn y DU sy’n adeiladu setiau, gwneud gwisgoedd, paentio golygfeydd a chreu props yn fewnol. Mae'r sgiliau creu theatr hanfodol yma’n sicrhau ein bod yn gallu gwthio ffiniau theatrig i greu sioeau trawiadol o hedyn yn nychymyg yr awdur. Ers 2018, mae hyn wedi cael ei gydnabod gan y diwydiant theatr gyda gwobrau UK Theatre, The Stage ac Olivier.

Mae datblygu crëwyr theatr yn ein cymuned yn allweddol i gynnal sector diwylliannol Cymru a’r DU. Mae gennym ofod ar gyfer awduron a chwmnïau sy'n plethu â phrentisiaethau technegol a chyfarwyddwyr dan hyfforddiant i greu adeilad sy'n cefnogi pobl greadigol i ddatblygu rhagoriaeth artistig.

Rydym yn defnyddio ein sgiliau fel sail i drawsnewid cymdeithasol yn ein cymunedau. Rydym yn mynd i'r afael yn greadigol â heriau cymdeithasol ac addysgol fel cyfiawnder ieuenctid gan hefyd bontio rhaniadau cymdeithasol ac economaidd. Rydym yn cydnabod yr effaith uniongyrchol a'r manteision hirdymor y gall y celfyddydau eu darparu i gynorthwyo gyda lles seicolegol a chorfforol. Rydym yn cydweithio â bwrdd iechyd mwyaf y GIG yng Nghymru a'r gwasanaethau cymdeithasol lleol i ymateb i'r heriau sy'n wynebu iechyd a gofal cymdeithasol drwy gefnogi ein cymunedau.

Mae gennym drosiant blynyddol diweddar o tua £7m ac rydym yn cael ein cyllido gan gyfuniad o Gyngor Celfyddydau Cymru, Cyngor Sir y Fflint, gwerthiant tocynnau’r swyddfa docynnau, incwm masnachol a chodi arian gan unigolion, ymddiriedolaethau a mudiadau a nawdd corfforaethol.

Disgrifiad Swydd

Teitl y Rôl - Rheolwr Ymddiriedolaethau a Sefydliadau
Math o Gontract - Parhaol
Teulu - Profiad
Arbenigedd y tîm - Datblygu
Oriau - 37 awr yr wythnos
Cyflog cychwynnol - £31,000
Gradd cyflog - M1
Yn atebol i - Cyfarwyddwr Ymgyrch Cyfalaf

Dyletswyddau a Chyfrifoldebau

Cyfrifoldebau Allweddol

• Dyfeisio a gweithredu strategaeth codi arian ar gyfer codi arian gan ymddiriedolaethau a sefydliadau elusennol.
• Ymchwilio, paratoi, cyflwyno cynigion codi arian a sicrhau incwm gan ymddiriedolaethau a sefydliadau elusennol mewn perthynas â chefnogi rhaglenni refeniw craidd a phrosiectau arbennig Theatr Clwyd. Cyfanswm y targed blynyddol ar gyfer cyllid gan Ymddiriedolaethau a Sefydliadau yw £400,000 ar gyfer 2025/26. Datblygu llif o roddwyr, gan weithredu cynlluniau meithrin a deisyfu.
• Sefydlu a monitro rhaglen barhaus o gyflwyniadau, diweddariadau ac adroddiadau cynnydd. Cynnal dealltwriaeth dda o holl brosiectau’r cwmni ac amcanion Theatr Clwyd a chydweithio’n agos ar draws yr holl feysydd arbenigol i gasglu gwybodaeth a deunyddiau fel sail i gynigion codi arian. Cynnal perthnasoedd da gyda chyllidwyr presennol a darpar gyllidwyr, gweithredu fel y pwynt cyswllt allweddol ar gyfer Theatr Clwyd ac ymateb yn brydlon i ymholiadau dros y ffôn ac ar e-bost, a sicrhau bod Ymddiriedolaethau a Sefydliadau yn derbyn gair o ddiolch mewn modd amserol.
• Cysylltu'n fewnol â'r holl arbenigwyr tîm i sicrhau adborth prydlon, adroddiadau gwerthuso a monitro i Ymddiriedolaethau a Sefydliadau.
• Cyflogi rheolaeth weinyddol o ansawdd uchel i sicrhau bod pob cyswllt â chyrff dyfarnu grantiau sy'n ymwneud â chodi arian a datblygu yn cael ei gofnodi a'i olrhain, gan gynnwys diweddaru Spektrix i gael y gorau o'i swyddogaethau.
• Cydweithio â'r Tîm Marchnata a Chyfathrebu, rheoli'r broses o greu cyfoeth o asedau ar draws llwyfannau digidol a heb fod yn ddigidol i gefnogi codi arian Ymddiriedolaethau a Sefydliadau.
• Cymryd rhan weithredol yn arbenigedd y tîm Datblygu, cyfrannu at a mynychu digwyddiadau Datblygu a chyfrannu at gynlluniau tîm ehangach.
• Dirprwyo a chynrychioli'r Pennaeth Datblygu yn achlysurol yn ôl yr angen.
• Sicrhau’r wybodaeth ddiweddaraf am weithgareddau Ymddiriedolaethau a Sefydliadau’r DU, arferion codi arian cyffredinol a deddfwriaeth.

Cyfrifoldebau Cyffredinol

• Cyfrannu'n rhagweithiol at y strategaeth codi arian gyffredinol a'i chefnogi.
• Rhannu gwybodaeth a chyfrannu at welliannau mewn gweithdrefnau ac arferion gwaith.
• Darparu cefnogaeth i'r Pennaeth Datblygu a Chyfarwyddwr yr Ymgyrch Gyfalaf yn ôl yr angen.
• Gweithio'n agos gyda'r Cynorthwy-ydd Datblygu i ddatblygu ei arbenigedd mewn codi arian.
• Ymgymryd ag unrhyw ddyletswyddau eraill y byddai'n rhesymol i'r Pennaeth Datblygu ofyn i chi eu cyflawni ac fel sy'n briodol i'r swydd.

Manyleb y Person

Hanfodol

• Lefel uchel o brofiad codi arian gydag enw da am gyrraedd targedau codi arian.
• Sgiliau cyfathrebu a rhyngbersonol eithriadol – gan sicrhau perthnasoedd cadarn, yn fewnol ac yn allanol.
• Y gallu i amsugno a distyllu gwybodaeth yn gyflym ac i ddyfeisio'r strategaeth orau ar gyfer meithrin, deisyfu a stiwardiaeth pob rhagolwg.
• Y gallu i feddwl yn hyblyg a’r tu allan i’r bocs, rheoli tasgau niferus a gweithio dan bwysau.
• Gwybodaeth sylweddol am dirlun yr Ymddiriedolaethau a'r Sefydliadau yn yr ardal leol.
• Gallu clir i ddyfeisio, datblygu a chyflwyno digwyddiadau mewnol ac allanol, gan weithio gyda thimau mewnol a chyflenwyr.
• Profiad o weithio gyda phobl ar draws sefydliad mewn gwahanol adrannau a lefelau.
• Sgiliau cyfathrebu ysgrifenedig a llafar ardderchog, gyda'r gallu i ysgrifennu cynnwys diddorol gyda llais brand.
• Y gallu i ddefnyddio cyfryngau cymdeithasol, word, excel, power point i lefel uchel.
• Ymrwymiad i ragoriaeth ac ymdrech ddi-baid i fod y gorau.
• Gwydnwch ac agwedd gadarnhaol tuag at godi arian.
• Sylw eithriadol i fanylder.
• Gallu clir wrth flaenoriaethu a gweithio i derfynau amser.
• Profiad clir o ymgysylltu a datblygu perthnasoedd ag amrywiaeth eang o bobl o gefndiroedd gwahanol.
• Sgiliau cyllidebu cadarn.

Dymunol

• Profiad o weithio mewn sefydliad celfyddydol, diwylliannol neu dreftadaeth.
• Rhwydweithiau cadarn a gwybodaeth eang am y sector a thueddiadau mewn rhoi i'r celfyddydau.
• Y gallu i werthfawrogi a siarad yn argyhoeddiadol am bob genre o'r celfyddydau a gefnogir gan Theatr Clwyd.
• Gwybodaeth ymarferol dda am systemau swyddfa docynnau CRM.
• Trwydded yrru lawn.
• Cymraeg ysgrifenedig a sgyrsiol.