Mae Swyddog y Ddesg Groeso yn gweithio i gefnogi'r tîm gweithredol i roi argraff gyntaf groesawgar a chadarnhaol wrth y Ddesg Groeso. Mae’n gyfrifol am ymdrin ag ymholiadau am docynnau, darparu gwybodaeth a chefnogi'r gwaith o redeg y lleoliadau manwerthu yn effeithiol. Mae’n gweithredu’n rhagweithiol gyda ffocws ar y gwesteion ac yn sicrhau’r gwasanaeth, y cyflwyniad a’r proffidioldeb gorau posib, a datblygiad parhaus y theatr.

Math o Gontract: Parhaol

Oriau: Oriau rhan amser amrywiol ar gael

Y Rôl

Cyfrifoldebau allweddol

• Yn unol â gweithdrefnau a pholisïau Theatr Clwyd, cyfrannu at redeg y lleoliadau manwerthu yn effeithlon.
• Cynnal y safonau uchaf o ofal a gwasanaeth Gwesteion wrth fod yn Swyddog Desg Groeso gweladwy a hygyrch i Westeion ledled y theatr, er mwyn meithrin perthnasoedd da a darparu cefnogaeth, cyngor a chymorth gan hefyd sicrhau safonau gwasanaeth rhagorol.
• Cymryd archebion tocynnau a delio ag ymholiadau cyffredinol gan Westeion.
• Helpu Gwesteion gyda chwestiynau am archebion yn y bwyty.
• Cyfarch a gweini ar Westeion yn y Siop Anrhegion a'r caffi.
• Sicrhau’r wybodaeth ddiweddaraf am berfformiadau, dangosiadau, gweithdai, achlysuron a digwyddiadau cyfredol a’r rhai sydd i ddod er mwyn rhannu gwybodaeth fanwl gywir a helpu Gwesteion i ddod o hyd i'r gofod sydd arnyn nhw ei angen yn ein hadeilad.
• Gweithredu'r til a thrin cardiau a derbyniadau arian parod o fewn gweithdrefnau priodol.
• Clirio a glanhau byrddau ynghyd â glanhau cyffredinol yn yr ardaloedd gwasanaethu.
• Cael gwared ar sbwriel, ei roi mewn bag a mynd ag ef i gynwysyddion priodol.
• Sicrhau bod lefelau stoc digonol yn cael eu cynnal yn y mannau gwerthu, gan gynnwys cylchdroi stoc a chofnodi stoc yn fanwl gywir.
• Derbyn cyflenwadau a gwirio eitemau i sicrhau bod yr holl eitemau wedi cyrraedd.
• Cysylltu ag Aelodau'r Cwmni o'r tîm ehangach pan fo hynny'n berthnasol.
• Helpu i gadw cofnodion rheoli stoc cyfredol a manwl gywir drwy gofnodi gwastraff a thoriadau. 


Y Person

Hanfodol

• Profiad o weithio mewn rôl sydd â’i ffocws ar gwsmeriaid mewn amgylchedd tebyg.
• Y gallu i ddarparu gwasanaeth Gwesteion o ansawdd uchel a'r gallu i ryngweithio â Gwesteion mewn ffordd broffesiynol, gwrtais a chadarnhaol.
• Y gallu i ddilyn cyfarwyddiadau a chyflawni tasgau wedi’u dirprwyo’n fanwl gywir ac yn effeithiol, ac o fewn terfynau amser penodol.
• Y gallu i ddysgu a deall rheolau hylendid bwyd sylfaenol a chanllawiau Iechyd a Diogelwch.
• Y gallu i greu amgylchedd croesawgar ar gyfer ystod amrywiol o ddefnyddwyr yr adeilad.
• Parodrwydd i weithio oriau hyblyg gan gynnwys gyda'r nosau, penwythnosau a gwyliau.
• Sgiliau rhifedd a thrin arian cadarn.