Dyma alwad i theatrau ledled y DU am gyfle cynllunio a gefnogir gan Theatr Clwyd a Theatre Artists Fund.

Millie Lamkin yw'r Cynllunydd Dan Hyfforddiant yn Theatr Clwyd ar hyn o bryd ac mae ar gael ar gyfer gwaith cynllunio rhwng mis Chwefror a mis Awst 2024. Mae unrhyw waith y mae Millie yn ei wneud yn ystod y cyfnod hwn wedi cael ei gyllido’n llawn. Yn ystod y cyfnod hwn bydd Millie yn symud i ail gam ei hyfforddiant gyda ni, sy’n ei chefnogi i gysylltu â’r diwydiant theatr ehangach a gweithio ar brosiectau y tu allan i Theatr Clwyd am 6 mis, amser sydd wedi’i neilltuo i’w llwybr proffesiynol.

Graddiodd Millie o Goleg Brenhinol Cerdd a Drama Cymru (CBCDC) ym mis Gorffennaf 2022 a dechreuodd ar gam cyntaf ei hyfforddiant yn Theatr Clwyd ym mis Awst 2022. Ers hynny, mae wedi cael profiad mewnol o theatr weithredol. Hi oedd Cynorthwy-ydd Golygfaol ein pantomeim ni, Robin Hood, a gynlluniwyd gan Adrian Gee; ein cydgynhyrchiad gyda Chichester Festival Theatre, The Famous Five, sioe gerdd newydd, a gynlluniwyd gan Lucy Osbourne; a The Great Gatsby a gynlluniwyd gan Heledd Rhys. Hefyd, tra mae hi wedi bod gyda ni, mae Millie wedi bod yn Oruchwylydd Gwisgoedd ar un o’r prosiectau Cyfiawnder Cymunedol ac wedi bod yn ymwneud â phrosiectau ymgysylltu creadigol amrywiol drwy gydol y flwyddyn. Hi hefyd gynlluniodd y set a’r gwisgoedd ar gyfer Truth or Dare, cyfle gwych i gydweithio â phedwar cyfarwyddwr gwahanol a gweithio ar 10 drama newydd.

Os oes gan gwmnïau ddiddordeb mewn trafod y cyfle i Millie gynllunio cynhyrchiad ar eu cyfer rhwng nawr a mis Awst 2024, gyda holl gostau ei hamser yn cael eu talu gan Theatr Clwyd a Chronfa’r Artistiaid, cysylltwch â Wesley Bennett-Pearce wesley.bennett-pearce@theatrclwyd.com