Theatr Clwyd yn penodi Cath Sewell fel Cyfarwyddwr Ymddiriedolaeth Cerddoriaeth Theatr Clwyd
See dates and times 15 Tach 2023
News Story
Mae Theatr Clwyd wedi cyhoeddi mai ei Chyfarwyddwr newydd ar gyfer Ymddiriedolaeth Cerddoriaeth Theatr Clwyd fydd Cath Sewell. Mae gan Cath brofiad helaeth o weithio ar draws y sector addysg cerddoriaeth, gan ddatblygu a chyflwyno rhaglenni mewn lleoliadau, ysgolion a chymunedau. Mae Cath wedi gweithio yng Ngwasanaeth Cerddoriaeth Swydd Gaerhirfryn, Canolfan Celfyddydau'r Brewery yn Kendal, Drake Music Scotland a Neuadd Wigmore, Llundain.
Rydw i wrth fy modd fy mod i wedi cael y cyfle i arwain datblygiad cerddoriaeth yn Theatr Clwyd ac ar draws Sir y Fflint. Mae’r gwasanaeth cerddoriaeth sydd wedi’i leoli o fewn lleoliad celfyddydau creadigol yn agor cymaint o bosibiliadau ar gyfer partneriaeth a chydweithredu. Mae ailddatblygu'r adeilad yn hynod gyffrous, a gobeithio y bydd y lleoliad yn dod yn hwb ar gyfer creu cerddoriaeth. Rydw i’n edrych ymlaen at barhau i ddatblygu rhaglen gynhwysol sy’n galluogi pawb i gael mynediad i gyfleoedd cerddorol perthnasol ac o ansawdd uchel.Am ei phenodiad, dywedodd Cath Sewell.
Yn ystod y broses recriwtio ar gyfer swydd y cyfarwyddwr, fe wnaeth Cath, ei phrofiad, ei gweledigaeth, a’i hangerdd dros addysg cerddoriaeth argraff fawr iawn arnom ni. Mae ein darpariaeth cerddoriaeth yn rhan bwysig o’n gwaith ni yn Theatr Clwyd, ac rydyn ni’n edrych ymlaen at fanteisio i’r eithaf ar y cyfleoedd sy’n cael eu cynnig drwy fod yr unig theatr gynhyrchu yn y DU sydd hefyd yn gweithredu gwasanaeth cerddoriaeth llawn, ac yn bersonol rydw i’n gyffrous i weld yr holl bethau fydd Cath yn eu cyflawni yn y rôl arwain yma.Dywedodd Liam Evans-Ford, Cyfarwyddwr Gweithredol Theatr Clwyd a Chadeirydd Ymddiriedolaeth Cerddoriaeth Theatr Clwyd.
Mae'r sefydliad yn addysgu mwy na 3500 o bobl ifanc bob wythnos. Gan weithio mewn dros 70 o ysgolion, mae’n cynnig gwersi mewn offerynnau yn amrywio o’r delyn Gymreig i ddrymiau, a phopeth yn y canol. Mae’r rhaglen Profiad Cyntaf, sy’n cynnig isafswm o ddau dymor o sesiynau cerddoriaeth dosbarth llawn i bob plentyn ysgol gynradd, yn rhan o’u darpariaeth yn erbyn y Cynllun Cerddoriaeth Cenedlaethol newydd gan Lywodraeth Cymru.
Yn ogystal â chyflwyno yn yr ysgolion, mae ar hyn o bryd yn gweithredu saith ensemble ieuenctid ac yn darparu tua 100 o wersi preifat i gymunedau o unrhyw oedran y tu allan i leoliadau addysgol. Ar hyn o bryd mae'r Ymddiriedolaeth yn cyflogi 36 o gerddorion i gyflwyno addysg gerddorol ar draws Sir y Fflint, gyda chefnogaeth 110 aelod arall o’r tîm o fewn cwmni ehangach Theatr Clwyd.
I gael gwybod mwy am Ymddiriedolaeth Cerddoriaeth Theatr Clwyd cliciwch yma
