Cydweithrediad rhwng pum sefydliad yng Nghymru yw Craidd: Theatr Clwyd, Theatr y Sherman, Celfyddydau Pontio, Theatr y Torch, a Choleg Brenhinol Cerdd a Drama Cymru. Ei chenhadaeth yw gwella cynrychiolaeth prif ffrwd ar gyfer a gyda chrewyr theatr Fyddar, anabl a niwrowahanol ledled Cymru. Mae hefyd yn gobeithio sbarduno newid cadarnhaol yn y sefydliadau partner cysylltiedig yn ogystal â'r sector theatr ehangach.

Roedd cam cyntaf y cydweithredu’n cynnwys archwiliad o bob un o’r sefydliadau, sgyrsiau sector, hyfforddiant helaeth, a diffinio map ffordd ar gyfer y 5 mlynedd nesaf. Mae’r Cyfarwyddwr dros Newid, Sara Beer, yn arwain prosiect Craidd gyda’r pum Asiant dros Newid sydd wedi’u lleoli yn lleoliadau Craidd ledled Cymru.

Y rhain yw -

Cathy Piquemal (Theatr Clwyd), Jonny Cotsen (Theatr y Sherman), Bridie Doyle-Roberts (Coleg Brenhinol Cerdd a Drama Cymru), Angharad Tudor (Theatr y Torch) a Nikki Hill (Pontio).

Ochr yn ochr â’r rhaglen o newid, bydd pob sefydliad yn creu cynhyrchiad teithiol prif lwyfan yn cynnwys talentau Byddar, anabl, a / neu niwroamrywiol.

Bydd Theatr Clwyd yn cynhyrchu’r sioe gyntaf yn 2026 ac yn teithio i Theatr y Sherman, Celfyddydau Pontio, a Theatr y Torch.

Bydd y diwrnod yn cynnwys gemau hygyrch ac ymarferion cynhesu, gweithdy symud ac amser un i un gyda Chyfarwyddwr Artistig Theatr Clwyd, Kate Wasserberg, sy’n cyfarwyddo Under Milk Wood.

Mae croeso i ymgeiswyr gael clyweliad yn Saesneg neu IAP (BSL)

Byddwn yn darparu cymorth mynediad ac yn gwneud y diwrnod mor hygyrch â phosibl, gan gynnwys ymateb i amodau / ceisiadau unigol. Rydym yn gwybod bod gofynion mynediad yn amrywio i bawb. Byddwn yn gweithio gyda chi i'ch helpu i deimlo'n gyfforddus a gwneud eich gwaith gorau.

Byddwn yn gweld grwpiau bach o bobl naill ai mewn sesiwn bore neu brynhawn. Mae’r llefydd yn gyfyngedig iawn gan ein bod eisiau gofalu am bawb yn y ffordd orau y gallwn. Bydd cyfuniad o rai gemau grŵp a gweithdy symud, ochr yn ochr â chlyweliad un i un gyda Kate Wasserberg a phobl greadigol eraill o leoliadau partner Craidd.

Byddwn yn gwneud pob ymdrech i gwrdd ag unrhyw actorion Byddar, anabl a / neu niwrowahanol Cymreig neu sydd wedi’u lleoli yng Nghymru a hoffai gymryd rhan. Er mwyn i ni eich helpu chi i wneud eich gwaith gorau, gofynnwn i chi gyflwyno eich CV actio proffesiynol neu ddolen Spotlight i ddechrau a nodi a ydych yn dymuno cael eich gweld yng Ngogledd neu Dde Cymru.

Cliciwch i ymgeisio: https://form.jotform.com/24357...

Ar ôl y dyddiad cau, os cewch eich dewis, byddwn yn cysylltu â chi gyda dyddiad ac amser ar gyfer eich clyweliad. Byddwn hefyd yn gofyn i chi naill ai gwblhau dogfen amodau ‘gweithio gyda mi’ neu anfon eich amodau mynediad presennol atom ni. Gallwch ddewis yr opsiwn sydd hawsaf i chi.

Byddwn hefyd yn darparu gwybodaeth fanylach am beth i'w baratoi ar gyfer y diwrnod. Bydd y wybodaeth yma’n cael ei chyflwyno mewn fformat ysgrifenedig, ond bydd fformatau eraill ar gael ar gais.

Bydd Theatr Clwyd yn trefnu cymorth mynediad amrywiol ar draws amseroedd y clyweliad, ond rydym yn ymwybodol efallai y bydd angen mwy o gefnogaeth un i un arnoch chi gydag unigolyn y gallwch ymddiried ynddo i gael mynediad i’r diwrnod. Byddwn yn trafod hynny gyda chi pan fyddwch yn gwneud cais.

Yn anffodus, ni fyddwn yn gallu talu am unrhyw weithwyr cymorth un i un, bydd angen i chi drefnu a thalu am hyn.

Bydd Theatr Clwyd yn talu am ac yn trefnu bod digon o ddehonglwyr IAP (BSL), galluogwyr creadigol a disgrifyddion sain ar gael yn y gofod, gan gynnwys yn y sesiwn unigol os oes angen.

Os na allwch ddod ar y dyddiadau yma ond eich bod eisiau cael eich ystyried ar gyfer Under Milk Wood, rydym yn gobeithio y bydd cyfleoedd eraill i chi gael clyweliad.

Os yw hyn yn berthnasol i chi, cysylltwch â'r cynhyrchydd Jenny Pearce ar jenny.pearce@theatrclwyd.com gyda'ch CV.